كان سراب ..

مركب وقلبين ماشيين في نفس الطريق

وحلم لا أحلام وطوق من ورد البنفسج

وقمر بينور لما حبيبتي تبتسم ولحظه فرح

وفستان الفرح أمنيه متعلقه على شجرة أماني

بنرويها بالأمل ،،

وبيت صغيير في مكان بعيد بعيد

وهمسه من شفايف حبيبتي ( بحبك يوووه بعشقك )

وسؤال من غير اجابه عشان خايفين من الأجابه

ياترى دا حلم ولا علم ولا سراب دق الباب ؟؟

أصل المركب طلعت ورق وغرقت في موجه وليده

والقلبين كل واحد راح في طريق

والأحلام هربت مع الأيام ،، وطوق البنفسج دبلت ورووده

والقمر بيبكي عشان حبيبتي بتبكي ،،،،

وفستان الفرح بقى فستان حداد على شجرة الأماني اللى

ماتت لما الأمل تااااااه في الزحام ..

والبيت الصغيير انطفت شموعه وهمسة شفايف حبيبتي

سافرت معاها ..

واللى فاضل صوره ضحكنا فيها انا وحبيبتي ،، وخصله من شعرها

بتونسني في وحدتي ..

ونفس السؤال اللي كان من غير أجابه

ياترى دا حلم ولا علم ولا سراب دق الباب ؟؟

بس الاجابه :

دا كان سراااااب دق الباااااب ...